覆診
回程係飛機上,睇到孫燕姿係台灣的一個校園mini concert. 我不是燕姿迷,只是愛聽佢某些歌曲. 但係機上無咩entertainment,所以就隨意看看. 邊睇邊聽, 突然聽番呢首歌…… “多想化成隱形的人,掩飾我傷痕; 我想化成隱形的人,隱藏我的淚在翻滾” 唉! 就係因為呢兩句歌詞,令我沉溺咗兩個幾星期啊!
返到香港機場,已經係1:30pm. 時間都算啱啱好, 趕得切去尖沙咀搵Dr. Law覆診.因為未去bangkok之前已經預約好, 加上平日返工d時間好難就得啱, 所以就攞住d行李走上去覆診.
覆診的結果係唔太理想, 仲要係差過我的預期. Dr. Law話3個月之後返去再睇,依家就食住藥先 (其實應該係d 維他命). 今次睇咗$880, 真係連dragonair 果$800 compensation 都唔夠俾啊.
有同事知道我的情況, 問我為何還可以笑住咁講, 好似好鬆容咁. 唉! 老實講, 我自己都唔知可以俾咩反應, 唔通對住大家喊麼? 咁樣咪仲嚇親人. 所以, 唯有 (苦) 笑囉!
曼谷之旅
話咁快我個 4日變5日既曼谷自由行已經完滿結束啦. 所以話放假去玩的時光總係過得特別快. 今次旅程中, 食住玩都算係唔錯. Natural Ville個 service apartment非常舒服, 仲有種家的感覺. 而佢哋個spa 亦都好正, 真係令到我可以relax呀! (可惜一返到香港, 成個人就好難放鬆啦)
而叧一樣無預料到係回程時間延遲咗. 話說當晚(4/6) 8點幾我哋原本係坐港龍返港，點知當我哋check晒in、過晒immigration，呆坐等boarding之際，港龍有個staff (貌似我一位DBS舊同事Mandy) 走出來同d乘客逐個細聲傾談．最初聽唔到佢講些什麼，直到佢走埋嚟問我哋“Will u need to work tmr?” 哈哈，我一聽佢咁問就知唔對路啦！
跟住佢向我哋解釋, 話佢哋當晚的機位over sold 咗, 而其他airlines亦無晒機位，所以問我哋第二日要不要趕著返工 & 介唔介意stay behind 多一晚. 佢話會安排一晚酒店+ hkd800 (compensation) + Cathay Pacific 回程機位. 老實講，我覺得佢個compensation offer 算係幾好，我哋又唔趕著返工，加上dragonair個泰版Mandy都幾有親切感，所以就take 咗佢個offer．
泰版Mandy安排的酒店當然不及Natural Ville啦！不過就俾我多一晚時間去搵表哥和他女友食宵夜，總算令個旅程完滿一點呢！
回程係機場時，你突然問我明年結婚好不好，真的嚇了一大跳呢！雖然到現在你亦有追問我，但我真的不知道怎樣回答，還是連我自己都唔知想點呢？！
